Pandikkar Dunia Maya (Copy dari Milis Tanah Karo)

PANDIKAR DUNIA MAYA KARO.


adi sinin catatan buena mail i bagin teruh "home tanahkaro" tempa
lit si menarik ibas bulan nov, 2002.
bas bulan e tecatat, terbayak mail sepanjang tahun 2002. em kap 203
mail adi persada ras bulan des. si buena 178 mail, maka jadi 381
mail.

tambah si e lebih menarik ka adi si nin,
dari 381 mail e dikirim oleh salah seorang netter, sebayak 51 mail
alias 13.4% perban bage er imajinasi, erhayal, aku ku uruk
ajinembah, perbahan la uku beluh ngataken kata tuhu, adi kata
tengteng, tentuna er la beluhna.


Erbalobat ia janah erdalan manjar anjar,
matawari i pudina,
langga dung minem namur,
kampuh lilitkenna ,
megara megersing rupana,
terselip ka je sarune.

enggo sepuluh bulan la ia lewat ije,
entah ertapa ia i kerangen ajinembah deher lau riman,
genduari balobatna ngelaguken "pereman dan sarjana,
laguna mido ido mentasi seh ku nederlan segala penjuru.

ciat, begina deher lodah,
ngenca lewatina bunuraya,
lit piga piga nimaisa ije,
pedaratna me jurus "sembuyak senina",
la tading jurus "ginting manik"
erbuena jelma i je,
erbuena jurus pedaratana,
tapi sada enda,
mayaan kiri kanan pedaratna,
meseksek dungna.

piga piga si nimaisa je ndai,
mengelopok,
lit ku "inul" lit ka ku "oma",

kalah aku,
ndarat aku.

mulihi ku ajinembah nina ukurna,
pesikapna jurus cabut menam sempurana,
tergejab bana keleng erturang,
salah sada si nimaisa ije nadai, pandikar diberu,
"turang", nina diberu e,
mintes meciho ukur tendina.

teruskenna perdalanna,
pedaratna jurus "hutan rimba karo",
jurus "KNA",
ras jurus sidebanna,
lompat berteng ia seh polonia,
pedaratna jurus terahir "selamat tahun baru"
medak minum kopi ia i nederlan.


Hebatttttttt, mjj Bung Juara, Pandikar Dunia Maya Karo.


Salatiga, 8 Mei 2003
D. Munthe.